Organisasyong Agimat

Ako si Balakutsa, matigas ang loob ngunit matamis kung magmahal. Isa ako sa 80 million Filipino na nagmamahal ng totoo sa bansang Pilipinas ngunit kinailangan kong lisanin ang aking Inang Bayan dahil sa aking kahirapan.....

Ang Gitnang Silangan ay isang dalikadong lugar para sa ating mga Filipino, ngunit mas ninanais pa natin magsilbi sa ibang nasyon kesa sa sarili nating kababayan. Dahil sa hirap ng buhay sa Pilipinas, kahit mabigat sa aking kalooban ay isinakripisyo ko ang aking pamilya para kumita ng malaki at masuportahan sila sa kanilang pang araw-araw na pamumuhay.

Hirap ng katawan at pasakit ng kalooban ang kapalit ng bawat halaga na pinapadala ko sa aking pamilya na naghihirap mismo sa sarili kong bansa. Sa loob ng mahigit limang taon na pamamalagi ko sa Gitnang Silangan, marami akong naranasan na hindi alam ng aking pamilya. Dito ko naramdaman ang bigat ng kalooban dahil sa panlalait ng ibang nasyon sa akin dahil para sa kanila isa lamang akong tuldok at walang karapatang sumagot o mangatwiran. Lahat ng gusto nilang gawin ko ay dapat kong gawin ng walang reklamo. Naranasan ko rin ang kalupitan ng kanilang kamay dahil sa pagmamaltrato. Tiniis ko ang bawat hagupit sa aking pata at pagod na katawan. Tiniis ko rin kainin ang pagkain na halos hindi ko malunok at katulad ng pagkain ng mga hayop sa atin. Ilan lamang ito sa mga tiniis ko sa loob ng mahigit limang taon na pamamalagi ko rito. Ngunit....... wala akong magawa dahil sa pamilya ko na umaasa at naghihirap sa sarili kong bansa!

Kung mabibigyan lang ako ng pagkakataon na kausapin ang isa sa pinuno ng ating bansa, isisiwalat ko lahat ang aking hinanakit at sama ng loob para ng sa ganon ay malaman nila na napakaraming Filipino ang nagtitiis sa ibang bansa para lamang makaahon sa kahirapan ng buhay...... Sa ngayon tila sila mga maaamong tupa dahil kailangan nila ang boto ng ating kapwa ngunit pagkatapos ng lahat ng ito, para na naman tayong pako na ipinukpok sa kisami ng ating sariling tahanan. Masakit isipin na harap-harapan ang panloloko sa atin ng sarili nating mga pinuno. MAS MASAHOL PA SILA SA IBANG NASYON SA MGA KALUPITAN NA KANILANG GINAGAWA SA SARILI NILANG BANSA!

May magagawa kaya ang ating gobyerno para malutas ang ating problema sa kahirapan? Bakit tila api-apihan tayo hindi lamang sa ibang bansa ngunit pati na rin sa ating sariling lupa?

Napaka-totoong salaysayin!

Hayaan mo binibining Balakutsa gagawa ako ng paksa para maisulat ng mga katulad mo ang mga hinaing sa ating mga pinuno ng gobyerno. Uunahin natin ang Pangulo ng Pilipinas.

Samantala, ikinagagalak kong iparating sa iyo na ang sinulat mong ito ay isa sa napili kong ilathala sa ating Agimat.org newsletter.

Mabuhay ka, isang buhay na bayani!

Maari mo nang sulatan ang ating Pangulo ng Pilipinas.

Pindot mo lang ito: http://agimat.freeforums.org/viewtopic.php?t=20

Maaari po bang magtanong?
Anu po ang ibig sabihin ng "balakutsa"?

Salamat!

Tingin ko wala ng ganitong klase ng kendi sa Pilipinas ngayon. Ang balakutsa ay isang pahabang kendi na gawa sa "brown sugar" Ang haba nito ay malapit sa haba ng ordinaryong daliring hinlalaki, pati ang bilog nito. Ang kulay nito ay malapit sa kulay ng piniritong lumpia.

Matigas ito at malutong kagatin. Matamis na lasang nilutong asukal. Ito ay hindi nakabalot kung bibilhin. Hindi ito malagkit tulad ng "tira-tira kendi" kapag hawak.

Ito ay ang kending nabibili sa sari-sari tindahan noong mga siguro 20 hanggang 40 taon ng nakalilipas. Mga late 1970's hanggang late 1980's sa pagkakatanda ko nang ako ay nakakatikim nito.

Kendi ito ng mga mahihirap na bata noon base sa aking pagkakatanda.

Tama ba ako, Bb. Balakutsa?

Hahaha kakatuwa dahil inabot ko ito

Hindi ko ata inabot ito

Ahhhhh... ang galing!

Matigas ang loob ngunit matamis kung magmahal...

Salamat po sa paliwanag!

Ngunit tira-tira na lang ata ang aking naabutan...

Buti ako, inabutan ko un, kahit bata pa ako.

alam ko na yung balakutsa,tira-tira tawag namin noon ng mga bata sa pandacan!!!! hehehe!!!!

Bb.balakutsa bilib ako sa tatag ng loob mo dahil sa pag-mamahal mo sa pamilya mo!

alam mo ba na isa ka na ngayon sa mga taong hinahangaan at iidolohin ko...

kahit mahirap ang pinagdadaanan mo alam kong masaya ka parin kahit papano dahil lahat ng ito ay alay mo para sa pamilya mo...dahil sa pagmamahal..

Tama si kapatid na dumudugong_utak, isang buhay na bayani ang mga katulad ni Bb. Balakutsa. Ayon nga sa pangkasalukuyang ekonomiya, ang mga perang ipinapadala ng ating mga OFW's ang nagsasalba sa Bayang Pilipinas. Dahil sa kanila ang pamumuhay sa Pilipinas ay hindi pa kasing hirap tulad sa pamumuhay sa Africa.

Mabuhay ka, Bb. Balakutsa at ang mga Pinoy na katulad mo! Mabuhay!

Nakakantig naman ng damdamin ang iyong mga ginawang sakripisyo Bb. balakutsa. Lahat gagawin para sa ikabubuti ng pamilya. Nawa'y huwag mawalan ng pag-asa po.. darating ang araw.. ang liwanag ay iyong masilayan din. Iipin niyo lagi na maraming nagmamahal sa inyo.

padaan mare aheheh... (nakikimare ano?)

masarap ang balakutsa hehe. ang lola ko dati gumagawa nito pero hindi na uso to sa merkado nung ipinanganak ako ahehe pero minsan nakakatikim pa rin ako.

ang kaso. wala na si lola.

hay.