Organisasyong Agimat

Mga Superheroes, ipagpaumanhin ang matagal kong pananahimik. Masyado lang akong naging abala sa aking trabaho kaya matagal akong nawala.

Gusto ko lang sanang hingin ang inyong opinyon kung papaano natin maipaparating kay Pangulong Arroyo ang ating mga mensahe. Masyado ng maraming nangyari sa Pilipinas at isa na rito ang pinaka-sariwa pang isyu tungkol sa mga "Magdalo". Sang ayon ba kyo sa ginawa ng grupo ni Trillanes? Ano sa palagay ninyo ang magiging epekto nito sa ating bansa?

Isa pang isyu ay ang patuloy na pagbaba ng dolyar laban sa piso. Masama talaga ang loob ko dahil kahapon lang ay nagpadala ako ng pera sa aking pamilya at pakiramdam ko ay piso lang halos ang kanilang matatanggap. San na ba napupunta ang kaban ng bayan? Kagaya ng mensahe ko dati, okay lang naman kung mababa ang dolyar kung ang umaangat talaga ang ekonomiya ng ating bansa. Ang remittances ng OFWs ay isa sa nagpapaangat ng ekonomiya ng Pilipinas, ngunit hindi namin maramdaman na talagang umangat ang Pilipinas. Kabi-kabila ang pagtaas ng bilihin, pagtaas ng gasolina at pati ang mga ihahanda para sa pasko ay mataas na rin. Ano ba yan?! Masyado naman tayong kinawawa...

Kaya mga superheroes tulungan nyo ako na makahanap ng paraan kung papano makakarating sa ating Gobyerno ang ating mga hinaing at ang kasalukuyang kinakaharap na problema ng ating bayan. Dasal ko lang lagi na magkaron ng isang mabuting Pangulo ang Pilipinas.... Ung Pangulo na talagang mag-aangat sa kahirapan ng bansa... Ung Pangulo na may malasakit sa taong bayan... Ung Pangulo na may totoong pagmamahal sa Inang Bayan!

Aasahan ang tulong nyo mga Superheroes.

ako nga din po ay nag iisip ng paraan kung paano maipaparating kay GMA ang ating mga mensahe..

pero un tungkol kay trillanes ay sang ayon po ako sa kanilang ginawa.. dahil kailangan na talaga ng mtinding pagbabago ng ating bansa, at kailangan na tayong kumilos para makaangat angat naman ang ating bansa kahit papano. sa totoo lang hanga ako sa katapangan ni trillanes, dahil sa kanyang ginawa.


grabe na talaga. parang nakakawala na ng tiwala ang mga namumuno satin. lalo na si GMA... tingin ko din ang kaban ng bayan ay unti unti ng nauubos at napupunta lamang sa masasamang kamay katulad niya,...

Salamat sa iyong opinyon Superhero Kampana! sana makaisip tau ng paraan kung papano makakarating ang ating mensahe kay Gloria Arroyo. Ngayon nga lang napanood ko na umalma na rin ang mga kaanak at pamilya ng mga OFWs dahil sa patuloy na pagbaba ng piso at patuloy na pagtaas ng bilihin. tsk... tsk... tsk... hindi b naisip ni Gloria un? kung hindi nman kmi magpapadala ng pera sa pamilya namin, mamamatay naman sila ng tirik ang mga mata haaaay.... kelan kayo magkakaron ng pagbabago sa bansa????

oo nga sana ay makaisip tayo sa lalong madaling panahon kung paano nga natin maipaparating kay GMA ang iba iba nating mga hinaing,.. oo nga sadyang patuloy na bumababa ang piso at patuloy naman tumataas ang lahat ng mga bilihin.. halos mamatay na nga at puspusan ang pag tatrabaho ng mga pilipino dito sa bansa mgaing ang mga nsa ibang bansa,, pero wala pa rin nangyayari, patuloy pa rin tayong naghihirap at di umaangat ang ating ekonomiya!
sa tingin ko hanggang siya ang namumuno di magkakaroon ng pag babago ang ating bansa,di ba sana naman ay makatagpo na tayo ng t unay na karapatdapat na mamuno sa ating bansa, un bang para sa kabutihan at ikauunlad ng lahat ang pakay hindi un para sa sarili lamang ikabubuti at ikagaganda lamang ng kanilang buhay.

meron pa nga ba kaya tayong makikita o mahahalal na ganong klaseng pinuno?

Hay grabe. napagmuni munihan ko ung pinagmamalaki nilang 'pagtaas ng piso laban sa dolyar', ang unang matutulungan nito ay ang mga importers. kasi mura nilang makukuha ang mga produkto galing ibang bansa...

kaso. . . may mga nakareserba pang produkto na mga yon dito. kaya hindi rin nila kaagad maipapataw ang mas mababang presyo. Sa susunod pang paglabas nila ng stock.

Tapos yung langis. . . umaakyat nga ang piso, umaakyat din nman ang 'presyo' nito sa pandaigdigang merkado, (kung ganun nga). E di syempre yung mga kompanya ng langis, di rin maatim na babaan ang presyo ng langis.

Ang nakakainis, napakarami nang alternatibo para hindi na tayo lahat umasa sa imported na langis. Kaso ayaw ng pamahalaan at syempre, ng mga kompanya mismo ng langis.

Daming problema no?

Eto dapat ang gawan ng paraan ni GMA kesa sa pagpapataas lamang ng halaga ng piso...

Pwede ba tayong magpalipad ng mga eroplanong papel na naglalaman ng ating mga hinaing duon sa malacanang?!

Yung pagtaas ng pisong yan administrasyon lang daw ni Gloria nangyari. O eh ano,
Mataas nga ang piso pero wala namang malaking naitutulong ito. Sino lang ba ang
nakakadama, edi yung mga malalaking negosyante.

At yung kay Trillanes, maganda sana ang gusto niya mangyari. Kaso sa maling
paraan niya ginawa. Hmmmm. At tingin ko hindi pa handa ang tao para sa ganuong
kaganapan. Pinili pa rin nila ang matiwasay na paraan. Kasi kung hindi edi sana
nag dagsaan na silang lahat sa Manila Pen diba. Kaso wala naman halos pumunta.
O baka takot lang?

Tsk tsk tsk.

Paano nga ba natin maipaparating?

Pwede tayo magsulat sa Wish ko lang Sana yung eroplanong papel na gagawin ni
Ate Mela eh jumbo para makasakay ako. Tsk. Tsk. Iemail kaya natin ang office ng
Pangulo at mga kongresista at senador? Pwede din namang magbukas tayo ng
thread ukol dito sa forum ng gobyerno.

Hmmmmm.

Hay nako mga kapatid, napakahirap ng sitwasyon ng Pilipinas sa ngayon.

Komento ko sa bawat linya na sinabi ninyo...

"halos mamatay na nga at puspusan ang pag tatrabaho ng mga pilipino dito sa bansa mgaing ang mga nsa ibang bansa,, pero wala pa rin nangyayari, patuloy pa rin tayong naghihirap at di umaangat ang ating ekonomiya!" -- sobrang sama ng loob ko habang binabasa ko ito dahil sa totoo lang pagod na pagod na ako magtrabaho dito kya lang tinitiis ko dahil sa pamilya ko. Ung padala ko sa nanay ko e halos piso nalang din ang katumbas kada buwan... grrrrrrrrrrr....

"Eto dapat ang gawan ng paraan ni GMA kesa sa pagpapataas lamang ng halaga ng piso... " -- ang ginawa nya ngayon e pumunta ng Kuwait para mailigtas sa hatol na bitay ang isa nating kababayan duon. Sa tingin ko lang, ginawa nya un para makuha ang simpatya ng mga tao... para masabi na may halaga sa kanya ang buhay ng kapwa natin pilipino... Bakit hindi nya un nagawa dati sa isang OFW na binitay sa Saudi?

"Pwede tayo magsulat sa Wish ko lang Sana yung eroplanong papel na gagawin ni
Ate Mela eh jumbo para makasakay ako. Tsk. Tsk. Iemail kaya natin ang office ng
Pangulo at mga kongresista at senador? Pwede din namang magbukas tayo ng
thread ukol dito sa forum ng gobyerno." -- Pwedeng ang isa sa atin dito ay gumawa ng sulat... isang sulat na maigsi lamang at may kabuluhan... isang sulat na naglalaman ng hinaing ng ating bayan... Pagkatapos nun, ifo-forward natin iyon sa ating mga kaibigan hanggang sa makarating sa media. Sigurado ako na magwo-work ito dahil marami na ang napipikon sa pamahalaang Arroyo. Ano sa palagay nyo?

.... Oo nga pala, May Good News!........ Kasama na sa Top 10 na Corrupt ang Pilipinas

sa isyu ng tungkol sa ginawa ni trillanes... PABOR ako sa sentimyento de patis niya, ang hindi ako pabor ay sa paraang ginawa niya (mahina ang paghahanda), PERO ayokong dumagdag sa mga nagpapataw ng kritisismo sa kanya, ginawa niya ang naayon sa iniisip niyang maiaambag niya, hindi man ito naging sapat, ang mahalaga sumubok siya.......... eh tayo? sumubok ba o nanunuod lamang?

paano ipaaabot kay madam labandera, ang mga isyung ito? mahirap pong gisingin ang nagtutulog-tulugan (tama ba ang pagbaybay ko sa tagalog)... mahirap pong makakita ang nagbubulag-bulagan!

nagisyu na ang CBCP ng pastoral letter, na kumukondena at bumabasura sa gobyernong arroyo, sumulat na rin ang maraming grupo.

ano namang magagawa ng sulat, aber?

magandang halimbawa ang ginawa ng mga kasamang magsasaka mula sa Sumilao, Bukidnon. mapayapa ang pinili nilang pamamaraan ng pakikibaka. hindi man kailangan, pero kinailangan nilang lakarin ang mahigit kumulang 1700 km mula Bukidnon hanggang Maynila. alikabok, hingal, pagod, katandaan, init ng araw, bagsik ng dalawang Bagyo (Lando at Mina), puyat, pangungulila sa naiwang pamilya... ahhhh punyeta (sorry napapamura!).... dala dala din nila ang suporta ng maraming obispo, at mga dioceses, at mga paaralan, at mga kapatid na magsasaka sa ibang panig ng bansa, may personal pa ngang sulat ang cardinal para sa presidente na silang magsasaka ang nagabot nuong makatuntong sila sa Palasyo (pangalawang dalaw sa mendiola dahil ang unang dalaw ay hinarang sila at hindi nakapasok - wala din si GMA, ito yung naglakwatsa sila kasama ang mga kongresista - especially si Zubiri na anak ng Bukidnon - kasama din ang ilang negosyante, sa Europa - nabigyan pa ata ng bansang Espana ng parangal ang kumag - aba, human rights award pa ata!)

dagdag pa na maliban sa mga suportang ito, at sa kanilang personal na sakripisyo sa paglalakad, ang kaso ng mga magsasakang sumilao ay hindi naman paghingi ng espesyal na pabor mula sa gobyerno, bagkus ay ang pakikusap dito - na ipatupad lamang ang batas na sila naman ang gumawa, dahil kung batas ang pagaaralan ang usapin ng lupa ng sumilao ay malinaw na para talaga sa mga magsasaka ng sumilao!

PEROOOOOOOOO...

may nangyari ba?

uubusin ba nila ang mapayapang paraan?

paaaaanoooooooo ihahatid sa kanya??????

ALAM NIYA ITO. ALAM NA ALAM! pero nagbubulagbulagan siya, nagbibingibingihan, nagtutulog-tulugan!

ano kayang sagot sa PAANO? sa akin may naglalarong ideya. na ayaw kong pansinin kahit nuon pa. at tiyak akong ang parehas na ideyang ito ay naglalaro na rin sa inyong mga utak kahit nuon pa. pare-parehas tayong takot harapin ang katotohanang tumatambad... ito ang tanging paraan pero nagpapaligoy ligoy tayo at sa kalaunan nagkakandaligaw ligaw, hanggang sa kinatamaran na talaga natin ang pagpunta sa ating patutunguhan.......

(haha anong sinasabi ko? ako atang naligaw haha!)

Kapatid na sumilao, bilib ako sa tapang ng iyong sulat pero naguluhan ako sa bandang huli dahil hindi ko maisip kung pareho b tayo ng iniisip. mababaw ang aking ideya ng pagpaparating ng sulat para k GMA at iyon ay ang sulat sa pamamagitan ng pagpapasa pasa ng email kung saan nakalagay duon ang ating mga hinaing at ating pangarap sa pagbabago ng Pilipinas... pareho ba tayo ng iniisip? kung hindi, maari mo bang sabihin ang iyong ideya at baka sakali yan na umpisa ng pagbabago sa bansa **winks**


Binabati kta sa iyong likas na katapangan!

Mabuhay ka ampon ng sumilao!

siguro ang bawat may dalawang mata at dalawang tenga ay magiging matapang din kung gagamitin nila ang mga senses na ito, kaso ang daming may mata at tenga na bulag at bingi sa usapin ng bansa.

minsan naisip ko kung maganda ba o pangit na apektado ako sa nakikita ko at naririnig ko... minsan nakakainis kagaya sa kaso ng sumilao, ako kasi ang isa sa hingahan ng kanilang sama ng loob, eh imbes macounselling ko sila ng maayos nakikiiyak ako eh. ampangit hehehe.

ang tagal nga lumabas at mahinog ng katapangang ito, isa lang ang ibig sabihin, sobrang talamak at sobrang tindi na talaga ng nagaganap.

haha. matalinghaga ang bandang huli. ^_^ nagpm na ako sa iyo ng pagpapaliwanag ko ^_^

Basta kung anu man ang mensahe ninyo kay GMA ay isulat nyo lang dito sa http://agimat.freeforums.org/viewtopic.php?t=20
at ako ng bahalang ilagay sa ating newletter ang link para mabasa ng ating mga subscribers.

mga ka-agimat,

sa pakikibaka para sa maganadang kinabukasan ng bayan, lahat ng pamamaraan, may ganansyang mapapala. sa unang tiniginin, kagaya ng ampon ng sumilao, wala itong mararating. kung sila mismong mga magsasaka, di napansin. kundi pa sa mga tulong ng simbahan, (na alam ko naman na may ibang agenda rin maliban sa adhikain ng mga sumilao,) hindi ito papansinin ni ginang pidal.

pero katulad ng inaasahan ko, kabalintunaan din lang ang gagawin nito sa mga sumilao. malinaw pa sa sikat ng araw sa tanghaling tapat, hindi na dapat pagkatiwalaan ng bayan ko si ginang pidal.

ngayon, tatanong ko ulit.. ang liham ba nating ito ay mababasa ni mrs. pidal? at kung mabasa man nya ito.. hindi kaya sa basura lang nya ito ilagay o ipampahid na lang sa kanyang salumpuwit? sa aking pananaw, walang ibang may karapatn sa kanyang salumpuwit kundi ang aking nagngangalit na takong ng sapatos.

alam ko, malaking kabaliwan ang umasa na ang simpleng pagkilos na ito ay mapapansin ng mga kinauukulan na walang karapatan. kung kaya marapat lamang na ibaba ang ating adhikain dito.

ang maaaring maging ganansya nito ay hindi upang umabot ito kay mrs. pidal, o paalisin sya sa pwesto, kundi ang patuloy na pagmumulat sa mga indibidwal na masasagasaan at madadaanan ng liham na ito.

sa ganitong punto, ito ay abot kamay at hindi suntok sa maliwanag na buwan.