Organisasyong Agimat

Marahil iisipin nyo na ako'y isang baliw........

Apat na taon... Apat na taon ng puno ng pakikipaglaban at pakikipagsapalaran.... Akala ko pagkatapos ng mahabang panahon, may magandang patutunguhan, ngunit ako'y bigo... hehehe... bigo na magkakaroon ng isang magandang ending ang aking buhay pag-ibig! Pero ganon yata talaga.... haaay.. ewan.. naguguluhan ako ng sobra.... kailangn bang ipagpatuloy o kailangn ng putulin ang apat na taon na pinaglaban? Ano? Sumagot kayo.... Sabihin nyo sa kin kung ano ang dapat kong gawin.... Isiwalat ang inyong saloobin..... Ipukpok ang ulo ng matauhan din....

Sobra lang akong nasasaktan kaya ako ganito ngayon.. at khit sino sa atin dito ay hinagpis ng kalooban ang mararamdaman.... sa kagaya ko na matagal umasa at labis na nasaktan!

Bb. Balakutsa. . . nadarama ko ang iyong paghihinagpis. . .

Minsan hindi rin masusukat sa tagal ng panahon kung nararapat bang ipaglaban ang isang pag-ibig. Nasa lalim din iyon ng inyong samahan at ang pagnanais ninyong ipagpatuloy ito. Mahirap yung ikaw lang ang lumalaban, ngunit di ko sinasabing ikaw ay sumuko.

Kung ako iyan, ipaglalaban ko hanggang sa abot ng aking makakaya ang aking pag-ibig. Kapag dumating ang puntong masasabi ko sa sarili kong nagawa ko na lahat pero wala pa ring nangyari. . . dun lang ako bibitiw. Kahit papaano, masasabi kong "ginawa ko ang lahat". Lagi kong inihahantulad iyan sa pag-aalaga sa isang mahal sa buhay na may sakit. Mas maluwag sa pakiramdam kung mawawala ang taong iyon nang naalagaan natin at napagtuunan natin ng hirap at pagod. Nawala man siya, naibigay natin lahat. Naiparamdam natin ang ating pagmamahal. Wala tayong panghihinayangan. Hindi ba?

Laban lang Bb. Balakutsa. Paano mo malalamang nagawa mo nang lahat? Kapag sobrang hirap ka na, magdasal ka sa gabi, humingi ka ng tulong sa KANYA. Pagkagising mo sa umaga, ang unang-una mong maiisip ang siyang kasagutan. Sa akin ay gumana ito. Maaaring magising kang ang sinasabi mo pa rin sa iyong sarili ay "Sige, kaya ko pa" at maaari rin namang "Tama na, naibigay ko na'ng lahat".

Sana'y nakatulong ang maikli kong pagpapaliwanag. Tuloy lang ang buhay.

Salamat Gumamela!

Minsan parang wala akong makuhang tamang kasagutan sa lahat ng aking katanungan.. haaaay.....

Ipagpapasa-Diyos ko nalang ang lahat ng kawindangang ito

Salamat sa payo, kapatid

Tama si kuya dums, kailangan pa namin ng detalye para mas mahusay ang aming ma-ipapayo.

Sa ngayon ay ang maipapayo ko lang ay "hanggat ikaw ay maligaya sa piling nya" ay ipaglaban mo lang. Anu pat sasaglit lang ang buhay para hindi mo namnamin at samantalahin ang ligaya sa iyong ipinamumuhay diba

Nasasaktan ka ngayon -- wala kang magagawa, dahil hinayaan mong masaktan ka.

Kung maliwanag lang iyong kwento.. mas makakapagpayo din ako. Pero ako,
kahit masaya ka sakanya pero alam mong hindi permanente, wag ka ng makipag
sapalaran pa. Gusto mo bang maulit na naman ba?

Hanggang maaga, iwasan mo na masaktan. Karapatan mo yan.

Oo nga Bb. Balakutsa, maaari ka bang magbigay pa ng mga detalye?

Meron pa pala akong isang hindi makalimutang payo mula sa ilang mga kaibigan, di ko lang alam kung sang-ayon kayong lahat... alam nyo ba yung kantang, "Sometimes Love Just Ain't Enough"? Bagamat pagmamahal ang siyang dapat magpaikot sa mundo, sabi nila, sa isang pakikipagrelasyon daw, hindi lahat ay mapapagana nito. Kailangan ng pagkakaisa, paggalang sa isa't-isa, at katapatan--na naidudulot ng kagustuhan mismo ng mga nasa relasyon.
"Love may come by chance, but you stay there by choice."

Bb. Balakutsa....ang hirap magbigay ng payo ....lalot hindi maliwanag ang kwento mo....sa ngayon ang masasabi ko lang wag kang bibitaw sa paniniwala mo sa TAAS dahil sa panahong magulo ang isipan mo at pakiramdam mo walang nakakaintindi sayo lumapit ka lang sa kanya at magtiwala ng buong puso....maniwala ka....doon mo mararamdamang mahal ka NIYA at ikaw ay pinagpala....

Bb Balakutsa.. Ayos ka pa ba?

*Huwag kang magpapabaya sa sarili habang nagtatrabaho
*Wag mo masyadong isiping mag-isa ka
*Huwag ka masyadong mastress
*Kumain ka at mag laan ka ng oras para sa sarili

I miss you

Pwede makisali din ako.. bigo yata ako sa larangang ito sa ngayon subalit ganun talaga daw minsan ang buhay.. masaya, minsan malungkot, pero di dapat malungkot, isipin na lang na minsay naging masaya ka.. tama na iyon.

Bb. Balakutsa, saan ka na po? Kamusta ka na?
Sana maayos ka pa din po. Tandaan lamang na ngumti lagi kahit umuulan ng napakalakas, may liwanag din na dadating

Paumanhin sa matagal kong pananahimik. Masyado akong naging abala sa trabaho kaya hindi ako nakadalaw dito.

Nabasa ko ang inyong mga komento at masaya ako na nalungkot sa mga payo ninyo. Masaya dahil ramdam ko na concern kayo sa kin khit hindi nyo naman ako kapamilya o kapuso. Salamat!.... Malungkot kasi may mga bagay ako na hindi ko ma-express at maibahagi sa nyo na humihingi ng kasagutan ( ang gulo no?... pasensya ) pero wag kayo mag-alala dahil buo na ulit ang puso ko. Napatunayan ko na karapat-dapat na ipaglaban ko ang pag-ibig na ito dhil napatunayan ko din sa kaparehas ko na mahal na mahal din nya ako. Hindi lang kami masyadong nagkaintindihan kya humantong sa matinding pag-aaway. Sa ngayon masaya na ulit ako sa piling nya at naway matuloy na ang aming pag-iisang dibdib sa susunod na taon

Salamat sa lahat ng mga payo nyo

Kinikilig naman ako! imbitado ba kami sa kasalang iyan?! hehehe.. Patnubayan sana kayo palagi ng nasa Itaas.

Masayang magmahal!

Ehemmmm.. Flower girl ako

Salamat Mela.... Nasa gitna ng buhay namin ang Panginoon. Sana nga eh habang buhay na kami magkasama.

Sige bunso, flower base ka... hahaha...

Salamat sa inyong lahat

NAku, wag na, ako nalang yung lupa. haha